ह्या कशाला चांदण्या रे...

ह्या कशाला चांदण्या रे,
केसांत माझ्या माळल्या??
अन रातवेड्या रातराण्या,
बघ माझ्यावर भाळल्या...

बघ मीही कितीक राती,
धुंदीत जागून जाळल्या..
वाटा तुझ्याच आणि मग
तिन्ही सांझा न्याहाळल्या..

#मोहा

घे आज सारे..

घे आज सारे, तुजला गुलाब माझे,
काट्यांसवे तुझ्या, मजला जगू दे जरा....

तू जा तुझ्या प्रवासा, घेऊन काफ़िला तो,
माझी वाट आता, अशीच सरु दे जरा...

कितीक शेर केले, लिहिल्या कितीक गजला,
हा एवढाच एक हा, काफिया स्मरू दे जरा...

तू नखशिखांत सजवून, सारे साज घे ना,
माझ्या शेवटाचे, पण मला आवरू दे जरा..

#मोहा