Sunday, February 23, 2020

तुझ्या सोबतीचे बहाणे किती

तुझ्या सोबतीचे बहाणे किती,
नसण्याचे तुझ्या गाऱ्हाणे किती...

तू येताच लगोलग जातेस का पण?
तुला चोरून मग पाहणे किती...

तूझ्या उंबऱ्यातुन तू पाहते मला,
पाहताना तिरके ते निशाणे किती...

भेटण्या येता खुणेच्या ठिकाणी,
अन लगबगीने तुझे मग जाणे किती...

कधी छेडिले ह्या वाऱ्याने लटांना,
तयांचे उधळणे जीवघेणे किती...

उतरतेस अलगद ओळींत माझ्या,
मग गझला किती , तराणे किती...

#मोहा