Wednesday, July 13, 2011

कोणी तरी माये चा पूत आहे का आम्हाला वाचवणारा?? एक तरी, वाघाचा बच्चा??




आज पुन्हा त्यांनी वार केला.. मुंबई वर.. लागोपाठ ३ स्फोट.. शेकडो लोक घायाळ.. मरणारे मेलेत.. सुटलेत..
त्यांच्या मढ्यावर बसून आम्ही रडणार.. आज.. उद्या.. परवा..
आमचे शेळपट शिलेदार गर्जना करणार "आम्ही ह्या भ्याड हल्ल्याचा तीव्र शब्दात निषेध करतो. ह्याची सखोल चौकशी करण्या साठी अमुक-अमुक लोकांची उच्चस्तरीय समिती आम्ही स्थापणार आहो." आणि असचं काही-बाही..
मागच्या कित्येक बॉम्ब-हल्यात मारून गुळगुळीत झालेल्या बोंबा पुन्हा मारतील.. आणि परत, ते पण विसरतील आणि आम्ही पण..
AC ऑफिसेस मध्ये बसून निषेध आणि दिलगिरी व्यक्त करण्या पलीकडे हे मातृगामी काहीही करू शकत नाहीं.. आणि आम्ही पण हतबल होण्या शिवाय काहीही करू शकत नाहीं.

मग नेर्वा नंतर परत मुंबई च्या स्पिरीटच कौतुक होणार.. आरे कसल घंट्याच स्पिरीट?? साल्यानो, तुम्ही आम्हाला असं मरायला सोडून दिल्यावर दुसरं आम्ही काय करणार??
पोटापाण्या साठी त्याच मरणाच्या दारात परत जावचं लागणार आम्हाला.. मरे पर्यंत..
आजच्या स्फोटात नाहीं ना मेलो मी??? मग पुढच्या स्फोटात, हल्ल्यात, ग्यांग वार मध्ये... जो पर्यंत मरत नाहीं तो पर्यंत जगावाच लागणार...
आज सुपात आहे.. उद्या जात्यात जाणारच.. वाट बघतोय.. पुढच्या हल्ल्याची.. कुत्र्याच्या मौतीन मरायची...

कोणी तरी माये चा पूत आहे का आम्हाला वाचवणारा?? आमच्या लेकरा-बाळांना वाचवणारा..?? एवढ्या मोठ्या सरकारी यंत्रणेत.. एक तरी, वाघाचा बच्चा?
का सगळेच मुर्दाड झालेत.. षंढ... माझ्या सारखे??

आम्ही मरुच.. असंच कधी तरी.. पण खबरदार.. लक्ष्यात ठेवा.. कोणीही सुटणार नाहीं .. तुमच्या सकट.. जसे आम्ही सुपात आहोत, तुम्ही पण तिथेच आहात. वाट बघा फक्त.. कधी जात्यात टाकतात ते ही औरंगजेबाची औलाद तुम्हाला आणि आम्हाला...

वाट पाहण्या शिवाय काय करू शकतो आम्ही?? कदाचित संताप व्यक्त करू.. निषेध नोंदवू.. फार फार तर मेणबत्ती घेऊन मोर्चे काढू.. CST ते आझाद मैदान.. शांती मोर्चा.. जे मेलेत त्यांच्या साठी मौन प्रार्थना करून परत येऊ आमच्या खुराड्यात.. वाट बघत.. की आमच्या साठी कधी कोण मेणबत्ती पेटवेल म्हणून..

माझ्या तुमच्या सारख्या षंढ लोकांनी निवडून दिलेले षंढ सरकार... शेपूटघाली प्रवृत्ती. थेट गल्ली पासून दिल्ली पर्यंत.. कुठे प्रतिकारच करत नाहीं कोणी...
साले ते विरोधी पक्ष वाले पण काहीच करत नाहीत.. नासुकल्या, भिक्कार मुद्यासाठी संसदेचा अमूल्य असा वेळचा आणि पर्यायाने करोडो रुपयांचा चुराडा करतात...
पण या मुद्यावर कधीच सरकार ला धारेवर धरत नाहीं..
सगळे एकजात षंढ.. माझ्या सकट..

चीड चीड होतेय.. काय लिहित सुटलोय मलाच कळत नाहीं..
जाउद्या.. झोपतो आता.. उद्या परत लवकर उठायचं.. मरणाची वाट पाहायला..

Monday, June 27, 2011

ध्याsssनाsssशूssरsss



आर्या प्ले-ग्रुप मधे असतानाची गोष्ट...
मी कॉम्पुटरवर काही तरी टंकत बसलेलो. आर्या बाजुलाच खेळत होती. मधेच स्क्रीन वर बघून विचित्र, बुचकळ्यात टाकणारे प्रश्न विचारणं हा तिचा आवडता छंद... उगाच मधेच "मला एबीशिली (ABCD) लिहायची ना .." म्हणून की-बोर्ड बडवनं हा पण आवडता खेळ.

त्याच स्पेशल ट्रेनिंग तिच्या आई नि तिला दिल होतं. म्हणजे, पप्पा कॉम्पुटर वर काही काम करत असले, की ते फक्त गेमच खेळतात अशी ती शिकवण.. आणि म्हणून त्यांना डिस्टर्ब करायचं म्हणजे ते आपल्या सोबत खेळतील हा त्या मागचा हेतू..

असच थोडं माझ काम आणि थोडं तिचं असं चाललेलं.. इतक्यात ती माझ्या मांडीवर येऊन बसली. तिला काहीतरी आठवलं असाव बहुतेक.
एखाद्या युवराज्ञी ने सिंहासनावर बसून आज्ञा सोडावी त्या अविर्भावात म्हणाली "अहो, बंद कला तो कंपूतल" (आई ची हुबेहूब नक्कल करत)..
मी म्हंटल, "चिनू, मला थोडं काम आहे गं"..
"पप्पा, बंद कला ना.. आज शालेत काsssssय गम्मत झाली माहित्ये...." आणि माझ्या होकार-नकारला काडीचीही किंमत ना देता पुढे सांगती झाली..
"आज ध्यानाशूर आमच्या शालेत आलाssss "..
"ध्यानाशूर?? हा काय प्रकार??"
"ध्यानाशूर हो पप्पा".. "ये PSPO नही जानता" च्या अविर्भावात म्हणाली ..
आणि कार्टून सिरीज मध्ये एखादा भारी-भरकम राक्षस जसं चालतो तसं चालून, हाथ पुढे पसरवून जसं तो राक्षस कुणाला तरी पकडायच्या पवित्र्यात असतो, तसं माझ्या चेहऱ्यासमोर हातवारे करून दाखवले.. हे सगळ करता करता ती कधी कॉम्पुटर टेबल वर चढली, मला कळलंच नाहीं.

माझी ट्यूब एकदम पेटली, भारी शरीर यष्टी असणाऱ्या ज्ञानेश्वर नामक school van ड्रायवर आठवला.. तीच लिंक पकडून तिला बळेच खाली बसवत समजावलं, "चिनू, बाळा.. मोठ्या माणसांना असं बोलू नये.. Bad Manners", माझ्यातला संस्कारी बाप जागा झाला होता..
"मानुष?? नाही ना पप्पा.... मानुष नाहीं.. ध्यानाशूर.. आज तो जंगलातून आला.. असं चालत चालत (परत तसंच राक्षसा सारखं चालून दाखवत)"..
मी जास्त खोलात ना शिरता "बरं बरं.. मग?"
"तो शरल गेत मधून आला आणि आमच्या क्लाश मध्ये आलाssss .."
"ज्ञानेश्वर अंकल आले होते तुझ्या क्लास मध्ये??"

"नाही हो पप्पाsssss.. ध्यानाशूर आला होता.. असं असं चालत.."
तिला परत समजवण्याच्या सुरात म्हंटल, "चिनू, मोठ्या माणसांना असं म्हणायचं नाहीं ना बाळ.. काका किवा अंकल म्हणायचं"
माझ्याकडे फार लक्ष ना देता पुढे बोलत असताना तिच्या चेहेर्यावरचे भाव असे होते की ती एखाद्या लहान मुलाला राक्षसाची गोष्ट सांगत आहे ...
"ऐकाना पप्पा, तो असं असं चालत आला आणि टीचरला चावला.."

ड्रायवर टीचरला चावला??? मी जरा तो सीन imagine केलं आणि जोऱ्यात हसू आलं..

मात्र हसू दाबून मी तिला रागवत म्हंटले "चिनू, हे काय खोट-खोट सांगतेयस??
अंकल कसं चावणार टीचरला??"
"अहो पप्पा.. अंकल नाहीं ना, ध्योsssनोsssशोssर .." एखाद्या लहान बाळाला जशी भोंग्याची किंवा दाढीवाल्या बुवाची भीती दाखवताना मोठी माणसं आवाज काढतात तश्या आवाजातल्या "ध्योsssनोsssशोssर" वर भर देत म्हणाली..

"चिनू.. बस झालं.. काय चाललाय?? तो बिचारा ज्ञानेश्वर भूत आहे की राक्षस, जंगलातून येऊन तुझ्या टीचरला चावायला..?" मी जरा ओरडूनच म्हंटल..
ती बिचारी चेहेरा पाडून म्हणाली "काय हो पप्पा.... मी ध्यानाशूर ची गोष्त शांगतेय ना तुम्हाला.."
मी: "बरं, नक्की सांग काय झालं? अंकल नि काय केलं?"

"पप्पाss .. अंकल नाहीना.... ध्योनोशोsssssर...., तो असं असं चालत आला.. जंगलातून.. आणि टीचर ला चावलाssss .. "
आता मात्र मला कळतच नव्हतं की काय चाललंय आणि काय सांगतेय..

इतक्या वेळ शांत बसून आमचा "तमाशा" बघणाऱ्या सौ म्हणल्या.. "अहो.. तो (तिच्या सारख्याच आवाजात) ध्योनोशोsssssर, म्हणजे ज्ञानेश्वर अंकल नाहीये.. ती डायनासोर बद्दल बोलतीये.. आज कार्टून नेटवर्क वर बघितला तिनं.."

माझ्या डोक्यात पुन्हा दुसर्यांदा १००० व्हाट ची ट्यूब पेटून लक्ख प्रकाश पडला... ध्योनोशोर म्हणजे डायनासोर...

इतक्या सहज आमची हुर्यो करायचा चान्स सोडेल ती बायकोच कसली.."बाय द वे, आता पासूनच तुमच्या पावला वर पाऊल ठेऊन चालतेय.. काय होणार माझ्या पोरीचं देव जाणे.."

मनात म्हंटल, पोरी, बापाचा हाच फेकण्याचा गुण उचलायचा होतास??

Sunday, June 19, 2011

पाउस, गाव, शेतकरी आणि अशीच भरकट गेलेली पोस्ट



आलास मित्रा..??
या वर्षी जरा उशिरा आलास.. आमच्या वेध-शाळेवाल्यांचा अंदाज कधी खरा ठरणार देव जाणे... नेहमी त्यांच्या पेक्षा आमच्या गावाकडला भटजी, नाहीं तर तो बाजारात दिसणारा नंदी तरी अचूक अंदाज सांगायचे..
मला वाटतं, या वेधशाळे वाल्यांचे चुकीचे अंदाज ऐकून-ऐकूनच कुणी तरी सरळ त्या भोलानाथला विचारलं असेल की "सांग सांग भोलानाथ, पाऊस पडेल काय"..

अरे हो, गावावरून आठवलं.. येताना माझ्या गावाला भिजवत आलास की नाहीं??? तिथला थोडा तरी सुगंध, ओलावा घेऊन यायचस की रे..
इकडे सगळं मिळतं पैसे मोजून.. पण तिथली आपुलकी आणि ओलावा नाहीं रे मिळतं.. गावाकडील माणुसकी, ओलावा आठवला आणि डोळे ओलावले नाहीत, असं कधीच झालं नाहीं..

तसं देवानं आमच्या गावावर जरा अन्यायच केलाय, नाहीं??
थोड्या तरी नद्या द्यायच्या की राव त्यानं आम्हाला.. म्हणजे तू आलास की त्यांमधून भर-भरून वाहिला असतास रे..
आमची पण शेतं जरा हिरवी झाली असती....
आमच्या पण ढवळ्या-पवळ्याना हिरवा चारा मिळाला असतां...
पोरा-सोरांना भातक मिळालं असतं.. आमच्या शेतकर्यांच जगणं जरा तरी सुसह्य झालं असतं.. चार पैसे खूळ-खूळले असते त्यांच्या हातात..
सावकाराच्या कचाट्यात सापडले नसते बिचारे...
जमीन-जुमला, जनावरं, प्रसंगी बायका गहाण नसत्या ठेवाव्या लागल्या रे..

सरकार कडून दरवर्षी जाहीर होणारे करोडो रुपयांची 'मदत' जी packages या गोंडस नावाखाली दिली जाते, आणि जे खरच त्या पैश्याचे हकदार आहेत, त्यांच्या पर्यंत कधीच पोचत नाहीत, ते तरी वाचले असते.. त्यांच्या पर्यंत पोहोचायच्या आधी, मधेच असणाऱ्या पांढर्या दलदलीत कुठे तरी गायब होऊन जातात ते पैसे.. आणि आमचा 'पांढर सोनं' पिकवणारा शेतकरी तसाच राहतो.. वर्षा-नु-वर्ष.. पैश्यासाठी हपापलेले लोक त्याच कापसाचे मस्त पैकी पांढरे, खादीचे खिसे शिवून भरून घेतात..

मित्रा, तू तर त्या देवाच्या जास्त जवळ राहतोस.. आभाळात... सांग नां जरा देवाला.. निदान या वर्षी तरी काही तरी कर म्हणावं.. नद्या नाहीं देता येणार आता तुला.. पण निदान आमच्या पांढर्या हत्त्यांच्या डोक्यात थोडी बुद्धी आणि हृदयात थोडी तरी कणव जागव म्हनं....
आरे, चार-दोन शेतकरी कमी मरतील रे एन्डोसल्फान पिऊन...

Sunday, June 5, 2011

तुझ्या आठवणींचा पाऊस

तुझ्या आठवणींचा पाऊस, माझ्या मनात दाटताना,
तिकडे आभाळ भरून आलं, इकडे अश्रू साचताना...

आठवणींचाच पाऊस, आठवणीचेच ढग
सगळं काही हरवून, उरतात आठवणीच मग...

आठवणींच्या डोहात, डुंबत बसायचं ,
आठवून सगळं, स्वतःशीच हसायचं...

दूर तिकडे डोंगरावर, पाऊस कोसळताना,
मधेच आठवण आली, आठवणीन मागे पळताना..
तुझा हात धरायचा राहूनच गेला,
त्या दिवशी, हिरव्या वाटे वर चालताना...

मग शेवटी शेवटी सगळं आठवून झाल्यावर,
मग शेवटी शेवटी सगळं आठवून झाल्यावर,
नको नको म्हणताना, तीही आठवण आली ,
मी अजूनही भिजतोय कोसळणार्या पावसात,
तू मात्र दूर धुक्यात, कुठेतरी हरवत गेली..

Friday, May 27, 2011

आठवण आली तुझी

काही नाहीं ग.. सहजच.. आठवण आली तुझी..
नेहेमी दिसतेस त्या झाडाखाली ..
नेहेमी दिसतेस त्या वळणावरती..
नेहमीच असते त्या स्वप्नामध्ये...
कुठे म्हणून कुठेच आज दिसली नाहीस..

मन उगीच कावरं-बावरं झालं ..
शोधत फिरलो तुला रानोमाळ..

समुद्र किनार्यावर ही आलो शोधून..
जंगले,नद्या, पर्वतं, दऱ्या, खोर्या ... सगळे शोधून झालेत.. कुठे हरवलीस?

म्हंटल मनातच बघावं आहेस का तिथे अजून तरी... एखाद्या कोपर्यात
तिथे मात्र लगेच सापडलीस....
माझ्या मनातल्या पारिजातकाची फुलं वेचत बसली होतीस .. तुझ्या मनाच्या अंगणात पडलेली..

Thursday, February 10, 2011

नागपुरातील काही मजेदार वाक्य

आमच्या नागपुरात वापरल्या जाणारे बोली भाषेतील काही मजेदार वाक्य. (एक मित्रानी पाठवलेल्या मेल मधून साभार. मूल लेखक माहित नाहि)

कावून : Why : "कावून, का झाला?" (Why, What happend?)

पोट्टे : Boys

पोट्टी : Girl

क्या कर्रा बे : What are you doing? : “कल शाम को क्या कर्रा था बे ?”

काय करून राहिला बे? : What r u doing man?

क्या बोलते : How r you ? Howz life?......Answer should be "मजे में बावा" means everything is fine

आगे बिल्डिंग गिरेगी : There is a building ahead. If you ask for an address to a rickshawala, he will say "आगे एक बिल्डिंग गिरेगी. फिर एक पूल गिरेगा. A newbie at Nagpur will get shocked to hear that so many things are going to fall soon.

अबे : Hey : “Used usually before any sentence begins”

अगाऊ / अगाऊ पंती : Oversmart: "ज्यादा अगाऊ पंती मत कर.”

बैल & सांड: बैलl: Sluggish/lazy/Dim-witted person, सांड: bulky person. : “क्या बैल है बे तू!!”.

भैताड़ ( bhyataaD ) or बह्याड : Moron: “भैताडा सारख वागू नको न बे”

बुआरी or बोहारी : Bad Omen: “पेपर के पहले बोहारी मत लगा”

बोहार्या : The one who always bring bad omen : "बहुत बोहार्या हैं बे वो.. मुह देखा उसका तो काम ख़राब.."

भोकन्या : Blind [holes in eyes] : “अबे भोकने, दीखता नहीं क्या?” (typically on traffic signals)

बकर : Babble : “इन येडो को बकर से टाइम नहीं मिलता.” or "क्या बकर-बकर लगा रखी हैं बे?"

बावाजी : An old person: “ओ बावाजी. बाजु हटो.”

भसक गया : Something gone wrong. “साला नेट भसका हुवा है" (Internet is not working) or “कोड भसक गया” (code is not working)

बम्म : Without limits or too extra : “कल पार्टी में बम्म मज़ा आया, तू कहा था ?” or "रात्री बम्म भात खाल्ला न बे"

चकाचक : Done neatly/nicely : Usually used in reply to “काम कैसे चल रहा?” - “एकदम चकाचक”

चमन : Foolish person: “अपना ED का मास्तर टोटल चमन है.”

चाप्टर : flirting / with loose character : “वो तो पूरा ही चाप्टर आदमी है.”

चेंगड़ : Chaos: “हॉस्टल के पोट्टे कल रात को दारू पीके बम्म चेंगड़ कर रहे थे.”

चिपका दे : Attach: “ documents के साथ एक सौ की पत्ती चिपका दे, काम हो जायेगा बराबर. ”

ढक्कन : Dumb: “अबे ढक्कन …”

ढापना : To steal: “कल होली के लिए हमने 3 नारियल ढापे , बम मज़ा आया"

ह्याट : Exclamation: “ह्याट!!!”

दिमाग से पैदल : low on intelligence : “अबे वो सिर्फ दिखने में ही अच्छी है, बाकि दिमाग से पूरी पैदल है.”

माहोल : Many meanings, usage differs depending upon context:
“बम माहोल कर रहा है सुना” ( i've hrd, u are doing too good).
“पोट्टे बम माहोल कर रहे है कॉलेज में” (Boys are enjoying in collage) etc.

एक नंबर : Ultimate : “सचिन क्या एक नंबर खेला कल !!” , “बी सेक्शन में एक नंबर पोट्टीया है” etc.

अंटाना : to steal something : साला उसने समोसा अंटाया टपरी से"

भाकर्या : Can be used any where. : "क्यूं बे.. भाकर्या आया नहीं क्या अब तक?"

भस्सम : word used for bad situation : "पेपर पूरा भस्सम हो गया"

भोकन-टिकल्या : A slang .. no literal meaning. Generally used while swearing !!!! "ये भोकन-टिकल्या... देऊ का दोन-चार ??"

डाव : a girl whos having affair with : "वो मेरी डाव है" (she`s mine)

झींगुर : Idiot

बायल्या : Specificaly used for a male who speks or behaves like a girl or who always talks girlish things. : "आबे थो साला एक नंबर चा बायल्या हाय"

टेनपना : To beat someone really hard : "मैंने उसको बहुत टेनपा कल रात को.. वो अब जाके रस्ते पे आया..

सुमड़ी : means secrecy : "अबे सुमड़ी में क्या कर रहा है बे?"

रामकोना - धापेवाडा : stupid person (its a small town Dhapewada near Nagpur)

कन्हान - कामठी : Used for a squint - eyes (तिरका) (kanahan- kamthi are two seprate areas in nagpur, which are in two difrent directions)

रखते तो बात करते : This shows the attitude about the guy, the power he owns : "साला फुकट में बकर नहीं करते अपन.. अपना भी वट है.. रखते तो बात करते"

पुड़का : a palstic bag : "ए भाऊ, पुडकयात द्या न जी भाजी.."

मंतर मत दे : dont lie : "अबे कायको मंतर देरा बे.."

लंग-लंग : means na idhar ka na udhar ka : "बे एकतो GRE दे या CAT. लंग-लंग मत कर"

लमचा : (foolish)person : "लमचा आलाच नाहि"

कन्पटना : To beat someone. : "क्या कनपटा रे बावा मोटे को कल.. "

हनुमान बनाना : to beat someone. "चल उसको जरा हनुमान बनाते है.."

है की नई रे बावा: Means `Am I not correct? "मैं सच बोलरा (बोल रहा) रे.. है की नई रे बावा?"

काडी करना : to do some mischief or to disturb somthing : "समजता नहीं तो गाडी में कायको काडी कर्रा बे??"